SYED SADEQ SIKANDAR 11

KHUSHBOO KI TARHA

her saans main shamil hai khushboo ki tarha
her koshish main shamil hai justajoo ki tarha

yeh mumkin he nahi hai tere bagair jena
her duaa main shamil hai aarzoo ki tarha

subha sham tera zikr hai wajah be wajah
her baat main shamil hai guftagu ki tarha

her simth tera jalwa hai aur tera cehra
her aks main shamil hai rubaru ki tarha

ashaar main khanak hai sadeq sargam ki
her lafz main shamil hai ghungru ki tarha

                  BY
SYED SADEQ SIKANDAR

SYED SADEQ SIKANDAR 10

USKI NAZER KA CHAND HOON MAIN

ishq main jeena ager kamal hai
ishq main marna ek misaal hai

uski nazer ka chand hoon main
mere raqeebon ka bura haal hai

main jawab hoon her jawab ka
tera wajood bhi  ek sawaal hai

husn fani hai dhal jayega kal
ishq marta nahi la zawaal hai

apni zindagi ek bojh hai sadeq
mere jeene ka unko malal hai

                  BY
SYED SADEQ SIKANDAR

SYED SADEQ SIKANDAR 9

HUM GILA NAHI KARTE

unko yeh shikayat ke hum mila nahi karte
ishq karne waloon se hum gila nahi karte

ishq ko pooja to mashooq ko devta mana
mann ki lagan bina khuda mila nahi karte

ishq main fana hona ibadat ki inteha hai
sacche aashiq baar baar mila nahi karte

phool ke badan main basa hai sanam mera
yeh phool chaman main roz khila nahi karte

matlab ki duniya main zaroorat ki yari hai
be gharz cahne wale yaahn mila nahi karte

ishq hamari pooja hai ishq hamari dua hai
ishq main mazhab ka hum fasla nahi karte

ishq main roothna manana aur hai sadeq
tark-e-talluq ka to hum silsila nahi karte

                      BY
SYED SADEQ SIKANDAR

SYED SADEQ SIKANDAR 8

TUJH KO CAHNE KE BAAD

khud ko jaan ne laga hoon tujh ko jaan ne ke baad
khud ko cahane laga hoon tujh ko cahane ke baad

zarra zarra khatra khatra tukda tukda bikhra tha
khud ko paa ne laga hoon tujhko paa ne ke baad

ashk-e-paihum shab-0-roz behte rehte hain aaj bhi
khud ko rula ne laga hoon tujh ko rula ne ke baad

mere laboon se mukurahatoon ka rishta he na tha
khud ko hasane laga hoon tujh ko hasane ke baad

jism jaan rooh gumaan dil jigar nazer tadapte hain
khud ko tadpane laga hoon tujh ko tadpane ke baad

mujh main koi main chupa tha mujh ko pata na tha
khud ko dekhne laga hoon tujh ko dekhne ke baad

neend khaab sona jagna chader bister bhool gaya
khud ko jagane laga hoon tujh ko jagane ke baad

nasha khumar madhoshi masti hai ishq main sadeq
khud ko behkane laga hoon tujhko behkane ke baad


                   BY
SYED SADEQ SIKANDAR

SYED SADEQ SIKANDAR 7

KOI PARDA NAHI KOI FASLA NAHI

woh paas tha to mila nahi
woh durr hai to gila nahi

saat janam ka to fareb hai
do din bhi sang chala nahi

khushi na mili to ghum sahi
tanhai  main  bhi akela nahi

ta had-e-nazer tera jalwa hai
koi parda nahi koi fasla nahi

daman taar taar dil toota hai
yeh juda nahi woh sila nahi

baghbaan se bhi koi gila nahi
sadeq apna koi gul khila nahi

                   BY
SYED SADEQ SIKANDAR

SYED SADEQ SIKANDAR 6

MUSKURANA ATA NA THA

mujh ko dekhe bina chain ata na tha
mere siwa koi bhi us ko bhata na tha

aaj her pal mujh ko rula rahi hai woh
kabhi ankh main ashk dekha jata na tha

jane kaise ja chuki hai woh sada ke liye
mujh se ek pal bhi durr raha jata na tha

jane kiyoon usne mera bhi dil liya tha
us se uska dil bhi sambhala jata na tha

uski adat main shamil kasam ka shauq
per adat se majboor nibhana ata na tha

main ghum ke samaan ka saudagar tha
khushi ki baat per muskurana ata na tha

waqt ke hatoon sabhi majboor hain sadeq
warna hum ko ansoon bahana ata na tha

                      BY
SYED SADEQ SIKANDAR

SYED SADEQ SIKANDAR 5

CAHAT KI NASHANI HAI

mana ke her taraf aaj ek veerani hai
kal tak jo apni thi aaj se begani hai

kabhi mil ke likha apna naam jahan
woh ped hamari cahat ki nishani hai

hum juda ho gaye yeh nayi baat nahi
milna aur bichadna yeh reet purani hai

woh mitti ke gher toote huwe  khilone
her cheez main bacchpan ki kahani hai

aasmaan bhi toot ke girega zameen per
ya woh qayamat hai ya teri jawani hai

kabhi fursat se ana mehfil main sadeq
ager dastan-e-ghum sunni-0-sunani hai

                     BY
SYED SADEQ SIKANDAR

SYED SADEQ SIKANDAR 4

APNI DUAOON MAIN NAHI THA ASAR

kis ko pata tha kis ko thi khabar
koi aye jaye na pata na thi khabar

mumkin tha woh mil jaye magar
apni duaoon main nahi tha asar

hum intezaar he karte ek aas per
koi jhoota sahi magar wada to ker

ek aur parwana gira zameen per
aye shama us ko dekhle ek nazer

shayad woh ajaye sitara ban ker
haan ek aas pe jagta tha raat bher

us ne kiyoon manga muskura ker
mujhe bhi jaan deni hai hans ker

bahoot andhera hai yeh shaher sadeq
apne dil ko jala ke tu yahan ujala ker

                      BY
SYED SADEQ SIKANDAR

SYED SADEQ SIKANDAR 3

KIYA KHATA KI MAIN NE

kiya khata ki main ne
jo kuch sikaya us ne
usko lautaya main ne
kiya khata ki main ne

ishq us ne sikhaya
ishq main ne nibahaya
piyar us ne dikahya
piyar main ne paya
jo us se seekha tha
sab us pe lutaya tha
ek ek lamha ek ek pal
sang us ke bitaya tha
sab khuch bhulaya us ne
jo kuch sikhaya us ne
us ko lautaya main ne
kiya khata ki main ne

jane kahan so gayi hai
jane kahan kho gai hai
kiyoon aisi ho gai hai
sab kuch bhool gai hai
achanak badal gai hai
aaj woh pass nahi hai
milne ki aas nahi hai
dil bhi udas nahi hai
dil ko piyas nahi hai
haan yeh beruqi hai
haan yeh bewafayi hai
haan yeh dillagi hai
haan yeh sangdili hai
mujh ko rulaya us ne
mujh ko sikhaya usne
us ko lautaya main ne
kiya khata ki main ne

jo kaha main ne mana
jo bataya main ne jana
us ko tanha nahi kiya
aisa gunah nahi kiya
khud ko he bhool gaya
per usko he yaad rakha
khud se he durr gaya
per usko he pass rakha
usne mazaaq se jo kaha
woh bhi sacch kiya tha
jo kuch sikhaya us ne
usko lautaya main ne
kiya khata ki main ne

kal bhi us ke jaisa tha
ab bhi uske jaisa hoon
kal bhi seekha tha us se
ab bhi seekh raha hoon
woh mere jaisi na huwi
main us jaisa ho jaoon
woh bhool gai hai to kia
main bhi sab bhool jaoon
woh badal gai hai to kia
main bhi ab badal jaoon
woh sata rahi hai to kia
main bhi usko sataoon
ager kho gai hai to kia
main bhi mil na paoon
kia ab us jaisa ho jaoon
mujhe dukhaya us ne
jo kuch sikhaya us ne
us ko lautaya main ne
kiya khata ki main ne


                   BY
SYED SADEQ SIKANDAR

SYED SADEQ SIKANDAR 2

SHAMA JALAI TO KUCH YAAD AYA

kali muskai to kuch yaad aya
koyal gayi to kuch yaad aya

baad muddat us gali se guzra
thoker khai to kuch yaad aya

dhalta suraj aur lautte parinde
shama jalayi to kuch yaad aya

hawa ka jhonka khushboo laya
sans mehkayi to kuch yaad aya

yeh bheega mausam sard hawa
ghata jo chaai to kuch yaad aya

samne aya woh ajnabi ki trha
awaaz lagai to kuch yaad aya

chaman tu baghbaan tu sadeq
patjhad ayi to kuch yaad aya

                  BY
SYED SADEQ SIKANDAR

SYED SADEQ SIKANDAR 1

HOSH WALOON KO AQL SIKAHTA HAI

kabhi apna kabhi begana lagta hai
woh shaqs jana pehchana lagta hai

ishq ibadat hai hum gunahgaron ki
ishq parsaoon ko afsana lagta hai

wo hosh waloon ko aql sikhata hai
jo dekhne main deewana lagta hai

husn to fani hai ishq lazawaal hai
ishq hone main zamana lagta hai

jate jate raunaq bhi saath le gaya
dil ka shaher ab veerana lagta hai

alfaaz main ehtiyat lazim hai sadeq
warna diloon per nashana lagta hai

                   BY
SYED SADEQ SIKANDAR

HER KHUSHI MAIN NE

HAR KHUSHI MAIN NE

luta ke rah-e-mohabbat main her khushi main ne
liya hai ghum ka sahara abhi abhi main ne

na jane kiyoon teri chashm-e-karam ko seh na saka
tere sitam to sahe thee hansi khushi main ne

tere haseen tasavoor ko samne lakar
shab-e-firaaq ko bakshi hai chandni main ne

wahin pe aagaye ankhoon main daffattan ansoon
jahan bhi dekh li hansti huwi kali main ne

na kha sakengi nigahen meri fareb-e-sukoon
ke dhadkanon he main payi hai zindagi main ne

                      BY
            ANNYOMUS

WOH GUZAR RAHE HAIN

WOH GUZAR RAHE HAIN

mere khayaloon ki rah-e-guzar
se woh dekhiye woh guzar rahe hain
meri nigahoon ke asmaan se
zameen-e-dil pe utar rahe hain

yeh kaise mumkin hai hum nashenon
ke dil ko dil ki khabar na pahonche
unhen bhi hum yaad aate honge
ke jin ko hum yaad kar rahe hain

tumhare he dum khadam se thi
ke maut aur zindagi abaad
bichad ke tum se woh na muraad ab
na jee rahe hain na mar rahe hain.

isi mohabbat ki roz-0-shab hum
sunaya karte thee dastanen
usi mohabbat ka naam lete huwe
aaj hum dar rahe hain

chale hain thodi he durr
bas woh saath mere phir bhi
yeh baat main kaise bhool jaoon
ke kabhi hum safer rahe hain

                       BY
                ANNYOMUS

DIL BAN KE DHADKTI HAI

DIL BAN KE DHADKTI HAI

jab raat ki tanhayi
dil ban ke dhadkti hai
yadoon ke dariche main
chilman si sarakti hai

yoon piyar nahi chupta
palkoon ke jhukane se
ankhoon ke lifafoon main
tehreer chamakti hai

khush rang parindoon ke
laut aane ke din aye
bichde huwe milte hain
jab baraf pighalti hai

sohrat ki bulandi bhi
pal bahr ka tamasha hai
jis daal pe baithe ho
woh toot bhi sakti hai

          BY
ANNYOMUS

APNA GHAR HE NAHI

APNA GHAR HE NAHI

kisi ke bichadne ka khauff he nahi
raste main koi humsafer he nahi

bahoot shauq ghar ko sajane ka tha
magar kiya kareen apna ghar he nahi

aur abhi dil main raoshan hai aisa diya
hawaoon ko jis ki khabar he nahi.

khuda jane kaisi khata ho gayi
duaoon main apni asar he nahi

chalo aaj un se bhi mileen
kayi din se unki khabar he nahi

                      BY
                 FAROOQ

PIYAR KA TOHFA DENA HAI

PIYAR KA TOHFA DENA HAI

jazbaat ki kaliyaan chunni hai
aur piyar ka tohfa dena hai
logoon ki nigaheen kuch bhi kaheen
logoon se hameen kiya lena hai
yeh khaas talluq aapas ka
duniya ki nazar main aam sahi

ruswai ke darr se ghabrakar
hum tark-e-wafa kab karte hain
jis dil ko basa len pehlo main
us dil ko juda kab karte hain
jo hashar huwa hai lakhoon ka
apna bhi wahi anjaam sahi

kab ghum ki ghatayen cha jayen
masoom khushi ko maloom nahi
hum aaj to jee leen jee bhar ke
kal kiya ho kisi ko maloom nahi
ek aur rasili subha sahi
ek aur nashili shaam sahi.

                     BY
           ABDUL HAI
       SAHER LUDHYANVI

SAAMNE AATE KIYOON HO

SAAMNE AATE KIYOON HO

apne haatoon se yoon cehre ko chupate kiyoon ho
mujh se sharmate ho to samne aate kiyoon ho

tum kabhi meri trha kar bhi lo iqrrar-e-wafa
piyar karte ho to phir piyar chupate kiyoon ho

ashak aankhoon main meri dekh ke rote kiyoon ho
dil bhar aata hai to phir dil ko dukhate kiyoon ho

in se wabasta hai jab mera muqaddar phir tum
mere shanoon se yeh zulf apni hatate kiyoon ho

roz mar mar ke mujhe jeene ko kehte kiyoon ho
milne aate ho to phir laut ke jate kiyoon ho

                          BY
                  ANNYOMUS

KAM HE YAAD AOO

KAM HE YAAD AOO

main shayad tum ko
ek dum bhool ne wala hoon
shayad jaan-e-jaan shayad
 ke ab tum mujh ko
pehle se ziyada yaad aati ho

hai dil ghumgeen bahoot ghumgeen
ke ab tum yad-e-dil daarana aati ho

tumhare rang mujh main
aur gehre hote ja rahe hain
main darta hoon
mere ehsaas ke
is khaab ka anjaam kiya hoga

yeh mere andaroon-e-zaat ka taaraaj gar

jazboon ke bairi waqt ki sazish na ho koi
tumhare is trha har lamha yaad aane se
dil sehma huwa sa hai

to phir tum kam he yaad aao
dil ki daulat jaan ki daulat
to phir tum kam he yaad aoo
kam he yaad aoo.

                             BY
                  ANNYOMUS

APNA SITARA DHOONDNA HAI

APNA SITARA DHOONDNA HAI

sitaroon se bhare is asmaan ki bulandiyoon main
mujhe apna sitara dhoondna hai
falak per kehkashaan dar kehkashaan
ek bekarani si hai

na us ka naam hai maloom
na koi nashani hai
bas itna yaad hai mujh ko
pehli subha jab sarey sitare

aqri guftagoo karte huwe
rastoon pe nikle thee
to us ki aankh main
ek aur sitara jhilmilaya tha
usi sitare ki soorat ka

meri bhegee huwi aankhoon main
ek khaab rehta hai
main apne aansoon main
apne khaboon ko sajata hoon

aur us ki rah takta hoon
suna hai gumshuda chezeen
jahan pe kho jati hain
wahin se mil bhi jati hain
mujhe apna sitara dhoondna hai

                          BY
                ANNYOMUS

TERI HAR BAAT SONCHTA HOON

TERI HAR BAAT SOONCHTA HOON

main tujhe cahata nahi hoon lekin
phir bhi raat ki tanhai main sonchta hoon

tere auqaat main soonchta hoon
teri har baat sonchta hoon

kon se phool tujh ko bhate hain
rang kiya kiya pasand aate hain

kho sa jata hoon teri jannat main
main tujhe cahta nahi hoon lekin

phir bhi ehsaas se najaat nahi
sonchta hoon to ranj hota hai

dil ko jaise koi dobota hai
jis ko itna srhata hoon

us main teri si koi baat nahi.

                BY
      ANNYOMUS

MILNE AYE BARSOON BAAD

MILNE AYE BARSOON BAAD

yadoon ka ek jhonka mujh se milne aya barsoon baad
itna kabhi hum roye na thee jitna roye barsoon baad

lamha lamha ujda hai mushkil se ehsaas huwa
patthar barse barsoon pehle sheeshay toote barsoon baad

kiya poochte ho kis ne toda kaise toda kiyoon toda
kiya dhoondte ho galiyoon main dil ke tookdey barsoon baad

aaj hamari khaak pe duniya rone dhone baithi hai
jane kaise phool huwe hain itne saste barsoon baad

dastak ki umeed lagaye kab tak jeete hum
kal ka wada karne wale milne aaye barsoon baad.

                       BY
             IBN-E-INSHA

KIS TRHA BHULAOON UASY

KIS TRHA BHULAOON USAY

karoon na yaad magar kis trha bhulaoon usay
ghazal kaha na karoon aur gungunaoon usay

woh khar khar hai shaaq-e-gulaab ki manind
main zaqm zaqm hoon phir bhi galey lagaoon usay

yeh log tazkerey karte hain apne logoon ke
main kis se baat karoon ab kahan se laoon usay

magar woh zor faramosh zor-e-ranj bhi hai
ke rooth jaye agar  kuch yaad dilaoon usay

jo hum safar sir-e-manzil bichad raha haifaraaz
ajab nahi hai agar yaad bhi na aaoon usay.

                            BY
                       FARAAZ

AJNABI KA SAMNA ACCHA LAGA

AJNABI KA SAMNA ACCHA LAGA

bheed main kisi ajnabi ka samna accha laga
sab se chup ker woh kisi ka dekhna accha laga

surmayi ankhoon ke neeche phool se khilne lage
kehte kehte kuch kisi ka sonchna accha laga

kiya tha woh aur dekhne waloon ko kiya laga
aur main ne kuch kaha tha sabhi ko bura laga

ab peeta hoon aap apna ghoont ghoont main
jis din se mujhe apne lahoo ka maza aacha laga

                          BY
                ANNYOMUS

TUJH KO BHI AANA HOGA

TUJH KO BHI AANA HOGA

piyar ka jashn nahi tanha manana hoga
ghum kisi dil main sahi ghum ko mitana hoga

meri gardan main teri sandali bahoon ka yeh haar
kabhi ansoon bhar uthe meri ankhoon main qumaar

main na kehta tha ke mere ghar main bhi aye bahar
shart itni thi ke pehle tujh ko bhi aana hoga

kaanpte hontoon pe paymana-e-wafa kiya kehna
tujh ko layi kahan lagzis-e-paa kiya kehna

mere ghar main tere mukhde ki ziya kiya kehna
aaj ghar ka her diya mujh ko jalana hoga.

                                BY
                AZAM SHAHKERI

SEENE PE SO JAOO KISI DIN

SEENE PE SO JAOO KISI DIN

cehre pe mere zulf ko bikhraoo kisi din
kiya roz garajte ho baras jaoo kisi din

razoon ki trha utroo mere dil main kisi shab
dastak pe mere haath ki khul jaoo kisi din

pedoon ki trha husn ki barish main naha lo
badal ki trha jhoom ke ghir aao kisi din

khusboo ki trh aguzroo mere dil ki gali se
phooloon ki trha mujh pe bikhar jaoo kisi din

guzreen mere ghar se to ruk jayeen sitare
is trha meri raat ko mehkaoo kisi din

main apni her ek saans us raat ko de doon
sir rakh ke mere seene pe so jaoo kisi din

                          BY
            ASAL ISLAM AMJAD

APNA BANALE MUJH KO

           APNA BANA LE MUJH KO

apne hatoon ki lakiroon main saja le mujh ko
main hoon tera naseeb apna bana le mujh ko

main jo kaanta hoon to chal mujh se daman bacha kar
main hoon agar phool to judey main saja le mujh ko

main khuley dar ke kisi ghar ka hoon samaan piyare
tu dabey paoon kabhi aake churale mujh ko

kal ki baat aur hai ab sa rahoon ya na rahoon
jitna jee cahey tera aaj sata le mujh ko

khud ko main baant na daloon kahin daman daman
kar diya tu ne agar mere hawale mujh ko

                          BY
                KHATIL SHIFAI

MUJH KO MANA NE KE LIYE AA

MUJH KO MANA NE KE LIYE AA

ranjish he sahi dil dukha ne ke liye aa
aa phir se mujhe chore ke jane ke liye aa

pehle sa talluq na sahi phir bhi kabhi to
rasm-e-rah-e-duniya nibhane ke liye aa

kis kis ko batayenge judai ka sabab
tu mujh se khafa hai to zamane ke liye aa

kuch to mere pindar-e-mohabbat ka bharam rakh
tu bhi to kabhi mujh ko mana ne ke liye aa

ab tak dil khush fahem ko hai tujh se umideen
yeh aaqhri shamaeen bhi mujha ne ke liye aa

                       BY
         AHMED FARAAZ

CHAND SA JIS KA MUKHDA HOGA

CHAND SA JIS KA MUKHDA HOGA

ek tabassum se kiya hoga
ghum na hamara halka hoga

aap ka jalwa jalwa hoga
dekhne wala ruswa hoga

yeh to bata aye rab-e-mohabbat
kon yahan per kis ka hoga

aisi ghadi bhi ayegi ek din
mera dard na mera hoga

jaan-e-tasavoor us ko banaoonga
chand sa jis ka mukhda hoga


                   BY
        ISHAQ MALIK

JUGNU KI TRHA

JUGNU KI TRHA

dastan-e-ghum sunate rahe
log sunte rahe muskurate rahe

mere aansoon meri bhegi palkoon pe
jugnu ki trha jagmagate rahe

yeh bade zarf ki baat hai yaroo
shiddat-e-ghum main bhi muskurate rahe

piyar-0-ulfat ka nagma hum hajera
raat din zayr-e-lab gungunate rahe.

                      BY
HAJERA YOUSUF YEKTA

BHOOLA DETI HAI DUNIYA

       BHOOLA DETI HAI DUNIYA

aise bhi mohabbat ki saza deti hai duniya
marjayeen to jeene ki dua deti hai duniya

hum kon se momin thee jo ilzaam na sehte
patthar ko bhi bhagwaan bana deti hai duniya

yeh zaqm-e-mohabbat hai dikhana na kisi ko
lakar sar-e-bazaar saja deti hai duniya

kismat per karo naaz na itna faqeero
hatoon ki lakheroon ko mita deti hai duniya

marne ke liye majboor to karti hai lekin
jeene ka tareeqa sikha deti hai duniya

kiya yaad rakhega hamen zarrah yeh zamana
zindoon ko bhi pal bhar main bhola deti hai duniya

                                    BY
                   ZARRA HYDERABADI

TANHA PAA RAHA HOON

             TANHA PA RAHA HOON

saza saach bolne ki paa raha hoon
main har taraf se thoker kha raha hoon

main pathar hoon meri auqaat kiya hai
magar phir bhi pooja ja raha hoon

zubaan rakhte huwe bhi khamosh hoon main
ajab alam main khud ko paa raha hoon main

mere piyasey hont to kuch bhi nahi hain
main dariya ko bhi piyasa paa raha hoon

main ayeena liye nikla hoon jab se
sabhi hatoon main pathar paa raha hoon

bahoot se log sathi thee safar main
magar manzil ko tanha paa raha hoon

zafar duniya bhi hai gehra samandar
bachoon kaise dooba ja raha hoon main

                        BY
 ZAFAR MEHMOOD ZAFAR

ZINDAGI KHARAAB KAROON

     ZINDAGI KHARAAB KAROON

ab apni rooh ke chaloon ka kuch hisaab karoon
main cahta tha charagoon ko aftaab karoon

botoon se agar kabhi ijazat miljaye to
shaher bhar ke khudaoon ko be naqaab karoon

us admi ko bas ek dhun sawaar hai
bahoot haseen hai duniya usko kharaab karoon

main karwatoon ke naye zayeqey likhoon shab bhar
yeh ishq hai to kahan zindagi kharaab karoon

yeh zindagi jo mujhe kharazdaar karti rahi
kahin akele main mil jaye to hisaab karoon.

                          BY
          DR RAHAT INDORI

TERE HATOON MAIN

                 TERE  HATOON MAIN

ishq ne goondhe thee jo gajre nokiley ho gaye
tere hatoon main yeh kangan to dheeley ho gaye

phool bechare akeley reh gaye shaaq per
gaoon ki sab titliyoon ke haat peeley ho gaye

kiya zaroori hai ke main vish paan karoon shiv ki trha
sirf jamun khaye aur hont niley ho gaye

                           BY
              DR RAHAT INDORI

CHALO ISHQ KAREEN

                  CHALO ISHQ KAREEN

aaj hum dono ko fursat hai
chalo ishq kareen

ishq dono ki zaroorat hai
chalo ishq kareen

is main nuqsaan ka khatra he nahi
ishq nafah ki tijarat hai
chalo ishq kareen

roz roz aate nahi
aise nashiley mausam
sham hai jaam hai rahat hai
chalo ishq kareen

                        BY
            DR RAHAT INDORI

FARISHTE KHATAYEN KARNE LAGE

    FARISHTE KHATEN KARNE LAGE

andhere charoon taraf sayeen sayeen karne lage
charaag haat utha kar duwayeen karne lage

saleqa jin ko sikhaya tha chalne ka
woh log hum ko dayeen bayeen karne lage

lahoo lohaan padha tha zameen per ek suraj
parinde apne paroon se hawayeen karne lage

zameen per agaye ankhoon se toot ker aansoon
buri khabar hai farishte khatayeen karne lagey

taraqqi kar gaye bimariyoon ke saudagar
yeh sab mareez hain dawayeen karne lage

                        BY
           DR RAHAT INDORI

MAIN WOH KITAAB HOON

           MAIN WOH KITAAB HOON

main to kisi haseen ki ankhoon ka khaab hoon
mujh ko sharaab na do ke main khud sharaab hoon

jalwa mujhe mila hai to haseen nazar tujhe
mera jawaab tu hai main tera jawaab hoon

tujh ko sukoon naseeb mujhe bekharariyan
tu chand hai main jalta huwa aftaab hoon

dil ka waraq waraq hai tumhara he ayeena
jis main tumhara zikr hai main woh kitaab hoon

shaheen shaher shaher main ruswa hoon is liye
kuch to mizaaj shoq hai kuch be hijab hoon

                          BY
           REHANA SHAHEEN

MERE GHAR KA AYENA BADAL GAYA

MERE GHAR KA AYENA BADAL GAYA

taraqiyoon ki daud main usi ka zor chal gaya
bana ke apna rasta jo bheed se nikal gaya

zara si deer ke liye jo agaya main badal main
idhar yeh shor mach gaya ke chand dhal gaya

kahan tu baat kar raha tha khelne ki aag se
zara si aanch kiya lagi ke moom sa pighal gaya

sulag uthenge jane kitne dil hasad ki aag se
agar hawa ke robaroo mera chirag jal gaya

urooj per naseeb tha to chu raha tha asmaan
bigad gaya naseeb to zameen se phisal gaya

chala ke aandhiyaan kise girana cahta tha tu
jo meri jhonpdi gayi to tera bhi mahel bhi gaya

mujh ko meri shakal aaj lag rahi hai ajnabi
na jane kon mere ghar ka ayena badal gaya

nayeem ghum ki ruth ne zor bhi diya magar
na bagh se hawa gayi na jheel se kanwal gaya

                         BY
            NAYEEM AKHTAR

CHAMAN CHAMAN KE PHOOL 9

      CHAMAN CHAMAN KE PHOOL:9

jis trha ghum main ankhoon ki nami ka hona
aisa hota hai mohabbat main kisi ka hoan
tera chand ke khabiley se to taluq nahi
yeh kahan se tujhe aya hai sab ka hona.

yaad rakhna he mohabbat main nahi hai sab kuch
bhool jana bhi badi baat huwa karti hai.

us ki yaad main din bhar rehna
aansoon roke chup saadhe
phir bhi sab se bateen karna
uski shikayat mat karna

mere wajood main basta tha rooh ki trha
woh mujh se kaise juda ho gaya sada ke liye

her aayena meri aankhoon se pooch leta hai
woh aks kiya huwe abaad jin se yeh ghar tha

mara hai mujhe laa ke yahan meri khaza ne
ilzaam doon kiyoon us ko woh khatil to nahi tha

is bhare saher main tanhayi he tanhayi hai
dil jo dhadka hai to uski bhi sada ayi hai

mujhe bhi dekhna hai bijli kis kis ko jalati hai
chaman main aaj her ek shaaq per hai aasiyana mera

haan samandar main utar lekin ubharne ki bhi sonch
doobne se pehle gehrayi ka andaza bhi laga

phool hota to tere dar pe saja bhi deta
zaqm leker teri dehleez pe aaoon kaise.

tanha koi shaqs miley to kare dil ki bateen
her shaqs ke saath hai saya us ka

dil se teri nigah jigar tak utar gayi
dono ko ek ada main razi kar gayi

main saach kahoonga magar phir bhi haar jaoonga
woh jhoot bolega aur la jawaab kar dega.

nahin nahin ham ko ab teri justajoo bhi nahi
tujhe bhi bhool gaye hum teri khushi ke liye

hiqarat se na dekho sahil walo toofaan waloon ko
kabhi aisa bhi hota hai ke kinare doob jate hain

jazbaat ubharte hain dabaye nahi jate
beh jate hain aankhoon se chupaye nahi jate

kash hota mere hatoon main suraj ka nizam
tere khadmoon main dhoop na aane deta

mere marne ki khabar hai us ko
apni ruswayi ka darr hai us ko
main kahin bhi rahoon kisi se miloon
meri fitrat ki khabar hai us ko

mohabbat ki khusboo hamesha saath chalti hai
koi tanha nahi hota tanhayi main bhi

ya khuda reyt ke sehra ko samandar kar de
yeh chalkti huwi aankhoon ko pathar kar de
tujh ko dekha nahi mehsoos kiya hai main ne
aa kisi din mere ehsaas ko patthar kar de

tere piyar ka charcha
charoon taraf ho raha hai
koi keh raha hai
koi sun raha hai
yeh suraj ki garmi
kiyoon kam ho rahi hai
shayad kahin koi ro raha hai
kabhi bhi kisi se na shikwa karo
jo khuda ne likha woh ho raha hai.

mere maazi ko andheroon main daba rehne do
mera mazi meri zillat ke siwa kuch bhi nahi
meri ummedoon ka hasil meri koshish ka sila
ek be naam aziyat ke siwa kuch bhi nahi

mujh se ab meri mohabbat ke fasane na kaho
mujh ko kehne do ke main ne unhe caha he nahi
aur woh mast nigahen jo mujhe bhool gayeen
main ne un mast nigahoon ko saraha he nahi

ek nazar ki aas main
pehroon khade reh jaooge
us taraf mat dekho
warna dekhte reh jaooge
be jhijak aaj keh do
tum apne dil ki baat
soonchte rahe agar to
soonchte he reh jaooge

na jane kis gunah ki saza de gaya
na haq barsoon jeene ki dua de gaya

kiya zaroorat hai chand ko dekhne ki
hum ne eid kar li un ko dekhne ke baad

tum se durr hona yeh hamari majboori hai
warna kon kambaqt khushi se juda hota hai

yeh kaise halaat hai yeh kaisi majboori hai
marne ko dil cahta hai jeena bhi zaroori hai

un ko dekhne se aati hai moonh pe raunaq
woh samjhte hain ki bimaar ka haal accha hai
hum ko maloom hai jannat ki haqeeqat lekin
dil ko behlane ghalib khayal accha hai

chand se ya phool se ya mujh se suniye
aap he aap hain jahan se suniye

tum to ek hoor ho hansta huwa kanwal ho
khasam khuda ki tum saans leta huwa taj mahel ho

                             BY
                    ANNYOMUS

CHAMAN CHAMAN KE PHOOL 8

     CHAMAN CHAMAN KE PHOOL:8

rona halaat ka kab tak kaise chora jaye
karb ki rag se kaise khoon nichoda jaye
dard ka mazhab na rang na koi khitta hai
dil jo kisi ka bhi ho na toda jaye
hosh udne lage ab khair nahi kisi ki
rukh hawaoon ka kaise moda jaye.

hai idhar samandar hai udhar aankheen
meri piyas janti hai kahan milega pani.

mere khoon-e -jigar ko
woh samjh rahe hain pani
unhen hosh tak na aya
meri lut gaye jawani
tujhe pehle he kaha tha
ke har ada hai fani
mere hum naseeb tu ne
meri baat he na mani.

ab kahan hoon kahan nahi hoon main
jis jagah hoon wahan nahi hoon main
kon awaaz de raha hai mujhe
koi keh de yahan nahi hoon main.

main hawa hoon kahan watan mera
dasht mera na chaman mera
her gadi ek naya tagaza hai
dard-e-sir bangaya hai badan mera.

tumhare saher ka khanoon kitna andha hai
khata kare koi ilzaam kisi pe aye.

samandar ko saraab keh gaye thee
jazbaat ki ro main beh gaye thee
soncha tha to kuch bhi nahi thi duniya
dekha tha to dekhte reh gaye.

woh unhe yaad kare jis ne bhulaya ho kabhi
hum ne un ko na bhulaya na kabhi yaad kiya.

bin mangey koi cheez kahan milti hai
sasti he sahi maut yahan milti hai
hoshmandon se kaho hum bhi yahan per aye
saans lene ki hawa sab ko jahan milti hai

taqdeer hateli main kahan hoti hai
manzil bhi paheli main kahan hoti hai
jo baat teri zul-e-girah geer main hai
woh baat chameli main kahan hoti hai.

mujhe bewafa na kaho
main be wafa nahi
tum se durr hoon
per dil se juda nahi.

jawaan sitaroon ko gardish sikha raha tha
main us ke haath ka kangan ghuma raha tha.

kab se barish kar rakhi thi
tum ne lakh sawaloon ki
khud pe ek sawaal huwa to
baat karna bhool gaye

yeh jo kahishoon ka parinda hai
is ko mausam se gharz nahi
yeh udega apni he mauj mian
is ko sehra de ya pani de.

is ko kis raoshni main dafnayen
is ko kis khaab ka badan deen hum
woh jo khushboo mian dhal gaya yaro
is ko kis phool ka kafan de hum.

agar talaash karoge to mil he jayega
per kon tumhen meri trah se cahega
tumhen koi zaroor piyar se dekhega magar
woh ankheen hamari kahan se layega.

lazim nahi zubaan he izhar ke liye
woh main ne sun liya jo tum ne kaha nahi.

dukh bantne ki cheez nahi phir bhi dosto
ek dusre ke haal se waqif raha karo.

aaj khamoshi ki zubaan main dostoo
itni bateen kareen ki thak jayeen

koi sawaal kare to kiya kahoon un ko
baichadne wale sabab to bata judai ka

nahi manoos lab jis se
kuch aisi bhi hain faryadeen
kuch aansoon hain jo
palkoon pe nazar aya nahi karte.

dua nahi to baddua he likh deta
manzoor hota jo khat ke jawaab main aata

woh bhi mujhe azeez thi
main bhi us ko pasand tha
phir na jane kiya huwa
ke mohabbat he na rahi.

jamal rangeen shabab rangeen
woh sir se pa tak tamam rangeen
tamam rangeen bane huwe ho
tamam rangeen bana rahe ho.

na jane kon apni duwaoon main yaad rakhta hai
main doobta hoon samandar uchaal deta hai.

na jane kiyoon mere khad se badha nahi mera saya
main roz he naye suraj ki rah takta hoon.

paniyoon pe dastaan na likho
paniyoon ka mizaaj behna hai
waqt ruka hai kab kis ke liye
aaj keh do jo tum ko kehna hai.

                       BY
             ANNYOMUS