PIYAR KA TOHFA DENA HAI

PIYAR KA TOHFA DENA HAI

jazbaat ki kaliyaan chunni hai
aur piyar ka tohfa dena hai
logoon ki nigaheen kuch bhi kaheen
logoon se hameen kiya lena hai
yeh khaas talluq aapas ka
duniya ki nazar main aam sahi

ruswai ke darr se ghabrakar
hum tark-e-wafa kab karte hain
jis dil ko basa len pehlo main
us dil ko juda kab karte hain
jo hashar huwa hai lakhoon ka
apna bhi wahi anjaam sahi

kab ghum ki ghatayen cha jayen
masoom khushi ko maloom nahi
hum aaj to jee leen jee bhar ke
kal kiya ho kisi ko maloom nahi
ek aur rasili subha sahi
ek aur nashili shaam sahi.

                     BY
           ABDUL HAI
       SAHER LUDHYANVI